Low/vibe-code byltingin – hvað er Power Platform og hvernig breytir það leiknum?

Á undanförnum árum hefur átt sér stað bylting í því hvernig hugbúnaður er þróaður. Það sem áður tók mánuði eða jafnvel ár er nú hægt að smíða á dögum eða vikum. Ný tól gera notendum kleift að nýta tilbúna módúla, tengja saman ferla og jafnvel þróa lausnir frá grunni með aðstoð gervigreindar. Microsoft ætlar sér stóra hluti í þessari þróun – og lykillinn að þeirri vegferð er Power Platform.

Power Platform er samansafn tóla sem gerir fyrirtækjum kleift að "þróa" sérsniðnar lausnir – öpp, sjálfvirkni, samþættingar og mælaborð – án hefðbundinnar forritunarvinnu. Power Apps, Power Automate og Power BI mynda kjarnann og vinna saman að því að stytta leiðina frá vandamáli yfir í lausn sem skilar virði.

Flest fyrirtæki eru þegar að greiða fyrir Power Platform í gegnum Microsoft-leyfin sín, án þess að vera meðvitað um það. Þau geta því byrjað strax, án þess að leggja í aukinn kostnað vegna hugbúnaðarleyfa. Lausnirnar nýta sömu aðgangsstýringar og önnur Microsoft-tól, eins og Teams og Outlook, og gögnin – ásamt lausnunum – eru hýst innan Microsoft-umhverfis fyrirtækisins. Þetta tryggir gagnavernd, rekjanleika og einfalt viðhald.

Ávinningurinn getur orðið svakalegur: minni handavinna, meiri sjálfvirkni og betri aðgangur að rauntímagögnum sem styðja við upplýsta ákvarðanatöku og skila sér í skilvirkari rekstri. Þar sem lausnirnar eru sérsniðnar að ferlum fyrirtækisins hverfa óþörf skref, tvíverknaður og villuhætta.

Það sem áður var talið of flókið og dýrt – er nú orðið hagkvæmt, framkvæmanlegt og innan seilingar fyrir flest fyrirtæki.

Þetta er ekki framtíðin. Low/vibe-coding er að breyta leiknum núna. Ætlar þitt fyrirtæki að taka þátt?

Hafðu samband og við sýnum þér hvernig