Fyrstu skrefin í sjálfvirkni – hvernig komumst við af stað?

Sjálfvirkni og gervigreind vekja bæði áhuga og óöryggi hjá mörgum stjórnendum. Flestir sem hafa prófað ChatGPT sjá strax tækifærin: hraðari vinna, minna álag, færri mistök og einfaldari dagur. En þegar kemur að því að innleiða slíka tækni á skipulegan hátt inn í reksturinn – þá festast mörg fyrirtæki.

Stjórnendur vilja skiljanlega ekki hleypa tækninni lausri. Þeir þurfa traust, innsýn og stjórn á því sem fer fram. Ótal mismunandi tól standa til boða, en það er mikilvægt að fyrirtæki velji tól og tækni sem eru einföld í innleiðingu, hagkvæm og flækja ekki rekstrarumhverfi þeirra.

Það þarf að svara lykilspurningum eins og: 

• Hvernig er aðgangsstýring háttað? 
• Hvað gerist þegar starfsmaður hættir? 
• Hvar eru gögnin geymd og hvert ferðast þau?

Power Platform, safn tóla frá Microsoft, er frábær kostur fyrir fyrirtæki sem vilja koma boltanum af stað og nýta sjálfvirkni og gervigreind til þess að leysa hin ýmsu verkefni. Það er hluti af því Microsoft-umhverfi sem flest fyrirtæki þekkja – og treysta – og nýtir sömu aðgangsstýringar og Teams og Outlook. Gögn og lausnir eru í eigu fyrirtækjanna og hýst í Microsoft umhverfi þeirra, sem tryggir að rekjanleiki, öryggi og stjórn haldist á einum stað.

En hvaða ferli á að byrja á? Út frá okkar reynslu er besta leiðin að byrja þar sem sársaukinn er mestur. Hvaða verkefni vekur mesta gremju í dag? Hvað er óþarflega tímafrekt, handvirkt eða leiðinlegt? Með því að einfalda eitt slíkt ferli fyrst – jafnvel eitthvað lítið – sjá teymin hvað er mögulegt og byrja að sjá tækifæri út um allt.

Mörg fyrirtæki halda að þau þurfi mikla tæknikunnáttu til að hefja þessa vegferð – en það er sjaldnast raunin. Þau þurfa bara að geta útskýrt fyrir aðilum eins og okkur hvert vandamálið er – og við sjáum um rest. Við vinnum með teymum til að skilja ferlana, hanna lausnir og innleiða sjálfvirknina þannig að hún sé bæði gagnsæ og stjórnendavæn.

Innleiðing á sjálfvirkni og gervigreind er forsenda samkeppnishæfni á komandi árum. En hún þarf ekki að vera yfirþyrmandi. Rétt nálgun í byrjun tryggir að boltinn fer fljótt að rúlla – og lausnir sem áður þóttu óraunhæfar verða allt í einu innan seilingar.

Viltu aðstoð við að komast af stað?