Te & Kaffi
Lausn fyrir kaffihús 

Um verkefnið

App í spjaldtölvu og stjórnborð í vef.

Kaffihúsarekstur krefst þess að allt gangi hratt og hnökralaust. Starfsfólk þarf að sinna fjölbreyttum verkefnum á annasömum tímum — frá þrifum og hitamælingum til móttöku pantana og daglegra skráninga sem skipta máli fyrir bæði gæði og eftirlit.


Í þessu verkefni þróuðum við sérsniðna lausn fyrir spjaldtölvu (ásamt stjórnborði) sem heldur utan um ferla og dagleg verkefni kaffihúsa Te og Kaffi. Öll skráning fer nú fram í gegnum þess lausn, sem áður var handvirk að miklu leyti. Slíkt skapaði óþarfa handavinnu, takmarkaða yfirsýn og hættu á villum.

Áskorunin

  • Mikil handvirk skráning á hverjum degi og enginn miðlægur staður fyrir gögn
  • Engin ein lausn sem hélt utan um pantanir, hitamælingar, þrifalista og aðrar daglegar skráningar
  • Takmörkuð yfirsýn fyrir stjórnendur yfir stöðu verkefna í rauntíma
  • Talsverður tími fór í samskipti og skipulag sem hægt var að sjálfvirknivæða

Lausnin

Þróuð var heildstæð lausn byggð á Power Platform sem sameinar allar helstu aðgerðir í rekstri kaffihússins:


  • App í spjaldtölvu fyrir starfsfólk með öllum lykilaðgerðum
  • Stjórnborð í vefviðmóti fyrir stjórnendur
  • Einfölduð skráning og straumlínulagað flæði sem minnkar mistök og tvíverknað
  • Miðlæg gagnavistun þar sem öll gögn safnast saman – auðvelt að keyra út gögn fyrir t.d. heilbrigðiseftirlit
  • Rauntímaskýrslur í Power BI sem sýna stöðu verkefna, tölfræði oþh.
  • Sjálfvirknivædd ferli í Power Automate sem tryggja að upplýsingar flæði rétta leið 


Auk þess var í stjórnborðinu hönnuð sérhæfð virkni sem heldur utan um þróun starfsfólks frá fyrstu prufuvakt og allt þar til starfsmaður er fullþjálfaður og fastráðinn. 

Ávinningurinn

  • Einföldun daglegra aðgerða og verkefna í rekstri kaffihússins
  • Betri yfirsýn yfir pantanir, verkefni dagsins og stöðu skráninga
  • Minna álag á starfsfólk – færri skráningar, meiri sjálfvirkni og færri villur
  • Heildstætt ferli sem nær utan um ráðningu og þjálfun starfsfólks
  • Auðvelt að bæta við nýjum ferlum og virkni eftir þörfum